Mohamed Mursi, 'anaia' lotsatia

Askatasunaren eta Justiziaren Alderdiko presidentea, Anaia Musulmanen aldekoa, Anaia Musulmanekin egindako ibilbide luzea da bere aurkezpenik onena. Alderdi islamistak 50 urte baino gehiago egin ditu legez kanpo eta jarraitzaile ugari ditu auzo esanguratsuenetan.

Mursik "fatiha" edo Koraneko hasierako hitzekin hasten ditu beti hitzaldiak. Normalean, hasiera hori testigantzaren garrantzia eta sendotasuna azpimarratzen da.

Horrez gain, "sharia"ri (islamiarren legea) etengabeko erreferentziak egiten dizkio, baita "nahda" proiektuari ere. "Nahda" berpizkunderako proiektua da, Egipto guztiko esparru guztiei zuzendutakoa.

Gorbata zalea eta jarrera xumekoa, altuera txikiko gizon lotsatia da Mursi; nekazaritza mundutik datorrela ezkutatzen ez duena. Presidentetzarako lehian karanbolaz sartu zen, Jairat al Shater Anaia Musulmanen lehen hautagaia zerrendatik kanpo utzi zutenean, kartzelan preso egon izanagatik.

Unibertsitate irakaslea, AEBetanMohamed Mursi 1951ko abuztuaren 20an jaio zen, Al Adwa izeneko herrian, Niloaren deltan, klase ertaineko familia baten baitan. Mursik ibilbide arrakastatsua egin zuen Anaia Musulmanen barruan eta ingeniaritzan.

1985 eta 2010 artean, Zagazig Unibertsitateko Ingeniaritza Saileko arduradun nagusia izan zen, aurreko hiru urteetan AEBetako unibertsitate batean irakasle lanetan aritu ondoren.

70eko hamarkadaren amaieran, Anaia Musulmanen ideologiak erakarri zuen, eta 1979an izena eman eta erlijioen sailan lanean hasi zen.

Kide oso aktiboaAnaia Musulmanen artean "anaia" oso aktiboa izateko ospea du. Proiektu politikoan buru-belarri sartuta egon zen eta Egiptoko Errepublikako presidentea gizonezko musulmana bakarrik izan zitekeela zioen programa sortzen lagundu zuen.

Mursiren zoria Anaia Musulmanenari lotuta dago Mubaraken ondorengo Egipton. Orain Armadako Batzordearekin harremanetan izateko abilezia erakutsi beharko du, trantsizio politikoa aurrera ateratzeko. Orain arte, trantsizio horretan oztopo eta ezuste ugari izan dira.