Albiste izango dira: Erreskate lanak Turkian eta Sirian, musukoaren amaiera garraioan eta tankeak Ukrainara

Honako gai hauek hartuko dituzte gaur, otsailak 7, hedabideetako lerroburu nagusiak:

- Turkiako eta Siriako lurrikarak: Milaka hildako utzi dituzte atzo Turkian eta Sirian izandako lurrikarek. Erreskate lanak etenik gabe ari dira lanean, hondakinen artean harrapatuta dauden herritarren bila. Euskal Herritik talde bat joango da bihar Turkiara, erreskate lanetan laguntzera.

- Musukoaren amaiera garraioan: Ministroen Kontseiluak gaur, asteartearekin, sinatuko du musukoaren erabilera garraio publikoan, optika eta audiometria zentroetan eta ortopedietan bertan behera utziko duen agindua.

- Ibilgailu militarrak Bilbotik Ukrainara: Gaur abiatuko dira Bilboko portutik Ukrainara Espainiako Armadaren hogei ibilgailu militar. Grimaldi enpresaren itsasontzi batean sartu eta 7-8 eguneko bidaia egingo dute Poloniara iritsi bitartean.