Mundua -
Gertaera
Gutxienez 49 hilotz zatikatuta aurkitu dituzte Mexikoko areka batean
Haietariko sei, gutxienez, emakumezkoenak dira. Gorpuen gehiengoa plastikozko poltsen barnean zeuden eta beste batzuk, ordea, bertatik sabakanatuta.
Erredakzioa
Mexikoko segurtasun indarrek gutxienez 49 hilotz zatikatuta aurkitu dituzte Cadereytako errepide bateko areka batean, Monterreytik kilometro gutxitara, Leon Berria estatuko hiriburuan (Mexikoko iparraldea).
Hasiera batean, 39 gorpu aurkitu dituzte. Haietariko sei emakumezkoenak dira eta gainontzekoak, gizonezkoenak. Gorpuen gehiengoa plastikozko poltsen barnean zeuden eta beste batzuk, ordea, bertatik sabakanatuta.
Aurkikuntzaren berri emateko herritar batek abisua eman ostean, segurtasuneko agente kopuru handia mobilizatu dute, baita Armada bera ere. Gainera, zonalderainoko sarrera itxi dute, hortik gorpuak eraman bitartean.