Mundua -
Gazako zerrendan
Miliziano palestinar bat hil da Israelen bonbardaketa batean
Jihad Islamikoko ekintzaile bat hil da eta beste hiru larri zauritu dira Gaza hegoaldeko bonbardaketa batean.
Erredakzioa
Miliziano palestinar bat hil da eta beste hiru zauritu dira Gazako zerrendan Israeleko abiazioak egin duen bonbardaketa batean. Azken hauen esanetan, Israelen aurka koheteak botatzeko prestatzen ari ziren.
Palestinako Maan agentziak esan duenez, Jan Yunes inguruan gertatu da eta Jihad Islamikoko iturriek berretsi egin dute miliziano bat hil dela eta beste hiru zauritu direla Israelen eraso baten ondorioz.
"Ejerzitoak talde terrorista bati egin dio eraso Israelen aurka koheteak botatzeko prestatzen ari zirelako", esan du Israeleko armadak ohar batean.