NBEko Segurtasun Kontseiluak Siriako errepresioa gaitzetsi du

Siriako erregimena gaitzetsi du gaur NBEko Segurtasun Kontseiluak, protestak hasi zirenetik Damaskoko Gobernuak errepresioa zibilen aurka bideratu duelako. Era berean, indarkeria berehala amaitzeko eskatu du Segurtasun Kontseiluak.

Bi hilabeteko blokeoaren ostean, "Siriako erregimenak egindako giza eskubideen urraketak eta zibilen aurka erabilitako indarkeria" gaitzetsi dituzte Kontseiluko kideek adierazpen batean.

Hardeep Singh Puri Indiako enbaxadoreak irakurri du adierazpena. Singh Puri Segurtasu Kontseiluko txandakako presidentea da. "Indarkeria berehala amaitzea" eta "aldeek neurriz ekitea" eskatu du Kontseiluak. Era berean, "Estatuko erakundeen aurkako erasoak eta errepresaliak" saihesteko eskatu du NBEk.

Libano adierazpenaren aurka agertu den Estatu bakarra izan da. Beiruteko ordezkariak azaldu duenez, NBEk hartutako erabakiak "ez du Siriako egungo egoera aztertzen".