Justizia eta prentsa erreformatzeko kontsulta dute gaur Ekuadorren

Ekuadorreko herritarrak gaur (larunbata) justizian erreformak bultzatzeko eta prentsa arautzeko kontsulta popularrera daude deituta; atzo kartzeletan hasi zen, eta hori dela eta, oposizioak Gobernuari estatuko azpiegiturak baiezkoa bultzatzeko erabiltzea leporatu zion.

Ateak 07:00etan ireki dira eta 17:00eta itxiko dira; ordu horretan hasiko dira bozketen gaineko ebaluazioen berri ematen.

Kontsultaren galdetegia hamar galderako bi taldetan banatzen da; bost erreferendumaren materiaren gainekoak dira eta beste hainbeste interes publikoaren gainekoak.

Justizia sistema aldatzea eta prentsa erregulatzea dira, besteak beste, galdetegi horrek jasotzen dituen bi gai nagusiak. Edozein kasutan, gizarte mailako gaiak ere jasotzen dira, kasinoak edo animalia hiltzen den zezenketak debekatzea, besteak beste.

Botoa ematea derrigorrezkoa da Ekuadorren 18 urtetik gorako herritarrentzat, eta boluntarioa da herrialdetik kanpo bizi direnentzat, baita 65 urtetik gorakoentzat, aktiboan dauden polizia eta militarrentzat edota elbarritasunen bat dutenentzat.

Ekuadorren bizi diren 11,1 herritar daude hauteskundeetara deituta, eta atzerrian bizi diren 206.000. Lehenengo emaitzak 17:00etan hautestontziak itxi eta pare bat ordura ematen hastea espero da.