Mundua -
Alarma nuklearra
Japonia Fukushimako ebakuazio-gunea zabaltzea aztertzen ari da
Tripulaziorik gabeko hegazkinak erabiliko dituzte zentraleko erradiazio maila neurtzeko. TEPCOko langileak nitrogenoa injektatzen ari dira eztandarik izan ez dadin.
Erredakzioa
Fukushimako zentralaren 20 kilometroko inguruan ezarritako ebakuazio-plana 30 kilometrora zabaltzea aztertzen ari da Japoniako Gobernua.
Erradiazio mailak aldi luze batean nola eragingo lukeen aztertzeko eskatu die Gobernuak hainbat adituri. Izan ere, ez dirudi Fukushimako egoera epe motzean konponduko denik.
Hegazkinak erradiazioa neurtzeko
Tripulaziorik gabeko hegazkinak erabiliko dituzte zentral nuklearraren erreaktoreetako erregai tangek isurtzen duten erradiazioa neurtzeko.
Hegazkinak erradiazio neurtzeko
AEBen T-Hawk hegazkinekin neurtuko dute erradiazioa.
Lehenengo hegaldiak 4. erreaktorearen inguruan egingo dituzte. Orain hori da kezka gehien sortzen duena. Langileak hozte lanetan ari dira, baina ez dute tenperatura jaistea lortu.
Nitrogenoa injektatzen hasi dira
TEPCOko langileak&' || 'nbsp; 1 erreaktorean nitrogenoa injektatzen ari dira, hasierako egunetan Fukushimako zentralean jazotako ziren moduko leherketarik errepika ez dadin.
