Portugal erreskatatzea premiazko asuntoa da

Batzuetan, premiazkoak aurre hartzen dio garrantzi handia duenari. Batasun europarreko gobernu buruek gaur eta bihar billera dute eta agendako gai nagusia hauxe: Europaren egonkortasun mekanismoa, Euroaren hitzarmena deiturikoa onartzea.

Lehiakortasun arazoak dituzten herrialdeei laguntzeko helburua du hitzarmen honek. Finantza arazoak dituztenentzat, erreskate plan egonkorra aurreikusten da. Hitzarmen hau 2014garren urtean sartuko litzateke indarrean, eta aurrez badaude diru laguntza behar izan duten herrialdeak. Egia da, egun badagoela diru kutxa bat, baina berau ez dela nahikoa izango uste da, are gehiago, Portugalek laguntza beharko duela berretsi ondoren.

Gastu publikoa murrizteko Portugalgo gobernuak aurkezturiko 3 plan onartu ditu orain baino lehen Parlamentuak, laugarrenari ezezkoa eman dio,”nahikoa da “esan du, eta ondorioz Socrates lehen ministroak dimisoa aurkeztu behar izan du.

Gobernurik gabe, eta Zor publikoaren interesa ehuneko 7 bain gehiago ordainduz Portugalen egoera Greziak eta Irlandak iaz zutenaren oso antzekoa da. Beraz, epe luzera begira jartzekoak ziren gaur batasuneko gobernu buruak, baina epe luzera ez baino epe laburrera begira jarri beharko dute. Eta gainera, Libiara begira ere denbora asko galduko dute. Libiako interbenztioak sortu duen zatiketa ikusirik, ez dute beste erremediorik.

Alemaniak bere jarrera azaldu beharko die gainontzeko herrialdeei; hau da, zergatik ez du operazioan parte hartu. Frantziak, berriz, italiarrek Libian dauzkaten negozioekin geratu nahui ez duela frogatu beharko du.