Yemengo presidentea: 'Gerra zibil odoltsua egon liteke'

Erregimenaren aurkako kolpe saiakerak direla eta, Gerra zibila piztu litekeela esan die Ali Abdula Sale Yemengo presidenteak Armadako komandanteei.

"Kolpeak eginez boterea eskuratu nahi dutenek honakoa argi izan behar dute: egoera ez da egonkorra izango eta gerra zibila egongo da, gerra zibil odoltsua", adierazi du.

"Herriaren gehiengoak segurtasuna, egonkortasuna eta Konstituzioaren zilegitasuna" babesten duela esan zuen atzo Estatuburuak. Horren hitzetan, "gutxi batzuk dira kaosaren, indarkeriaren eta gorrotoaren antolatzaileak".

Erregimeneko kide garrantzitsuenen babesa galdu du astelehen honetan Salek: hamarnaka militar, zenbait enbaxadore, eta herrialdeko bigarren probintzako agintariarena, besteak beste.