Mundua -
Michael urakana
Florida, Michael urakanaren zain
AEBko agintariek ebakuazioak agindu dituzte hainbat konderritan, Michael urakanak haize-bolada eta olatu handiak, zein eurite kaltegarriak ekarriko baititu.
AGENtziak | Erredakzioa
Michael urakanak Mexikoko golkorako bidea hartu du, eta laster Floridako (AEB) kostaldera helduko da, haize-bolada eta olatu handiak zein eurite kaltegarriak eraginez.
Floridako gobernadoreak ebakuazioak agindu ditu hainbat konderritan, eta Guardia Nazionala mobilizatu du urakana asteazkenean sartuko baita AEBn. Urakanak eragindako uholdeek gutxienez 13 hildako utzi ditu Erdialdeko Amerikan.
Michaelek ekaitz tropikal izateari utzi dio eta lehen mailako kategoria hartu du Saffir-Simpson eskalan, eta baliteke hirugarren mailako kategoria harrapatu ondoren iristea AEBko kostaldera, Reuters albiste-agentziak Erresuma Batuko meteorologoak aipatuta jakitera eman duenez.
Aurreikuspenen arabera, Floridan lur hartu ostean, aurrera jarraituko du asteazkenean eta ostegunean, Ipar Carolina eta Hego Carolinaraino.
Bestalde, Michael urakanak eragindako uholdeek gutxienez 13 hildako utzi ditu Yucatan penintsulan.
Kuban, berriz, urakanaren azken astinduak jasotzen ari dira, eta euriteek eta uholdeek utzitako kalteak zenbatzeari ekingo diote laster.
