Hungariak auzitara eramango du Europako Parlamentuak abiatutako zigor prozedura

Viktor Orbanen Gobernuak helegitea aurkeztuko du Europar Batasuneko Auzitegiaren aurrean, Europako Parlamentuak irailaren 12an hartutako erabakiaren aurka.

Viktor Orban, Hungariako lehen ministroa. Artxiboko argazkia: EFE

AGENTZIA | ERREDAKZIOA

publikatuta: 2018/09/18 07:24 (UTC+2)

azken eguneratzea: 2023/03/17 10:23 (UTC+1)

Joan den astean Europako Parlamentuak Hungaria zigortzearen alde bozkatu ondoren, Viktor Orban buru duen Hungariako Gobernuak Europar Batasuneko Auzitegira joko du. Europaren zigor prozedura aurrera aterako balitz, Hungariak boto eskubidea galduko luke.

Viktor Orbanen kabinete buruak iragarri du Europako Parlamentuak abiatutako zigor prozeduraren aurkako helegitea.

Dena den, ez dirudi asteazkenean Europako Parlamentuak hasitako prozesuak bide luzea egingo duenik. Zigorra ezartzeko beharrezkoa da bertako kide diren estatu guztiek aho batez hartzea erabakia, eta dagoeneko Poloniak eta Txekiar Errepublikak beren babesa agertu diote Hungariari.

Lehenengo aldiz eman du Europako Parlamentuak pauso hori.

Hau zure interesekoa bada, baliteke beste gai hauek ere izatea

Nazioarteko albisteak Europar Batasuna Europako herrialdei buruzko albisteak Albisteak Gaur Gaurko azken ordukoa Zer gertatu da gaur Hungarian Eskuin muturreko mugimenduak

Hungariak auzitara eramango du Europako Parlamentuak abiatutako zigor prozedura

Esteka kopiatuta