Suediarrek hauteskunde eguna dute gaur, zalantza eta eskuin muturra tarteko

Suedia hauteskunde orokorrak egiten ari da, eta bozketatik ateratako emaitzak egungo egoera politikoa goitik behera aldatzea ekar liteke. Baliteke bi bloke handiek gehiengoa ez izatea. Gauzak horrela, Suediar Demokratikoek aurrekaririk gabeko emaitzak lortu nahi dituzte, Gobernu berriaren giltza bihurtzeko asmoz.

7,3 milioi herritar daude deituta gaur bozkatzera joateko. Udalak berrituko eta Suediako Parlamentuaren (Riksdag) 349 kide aukeratuko dituzte eta, zeharka, datozen lau urteetan herrialdea gidatuko duen Gobernua ere.

Diputatu guztietatik, horietako 310 banatuko dituzte 26 hauteskunde-barrutietan, emaitzen arabera, eta gainerako 39 Estatu mailako alderdien emaitzen arabera. Parlamentuan alderdi batek jesarlekua lortzeko, herrialde osoan bozen % 4 lortu behar ditu, edo % 12 barruti batean.

Alderdi Sozial Demokrata, faboritoa

Stefan Lofven lehen ministroaren Alderdi Sozial Demokrata faboritoa da hauteskundeetan. 2014az geroztik Gobernuan dago, Berdeekin egindako koalizioan. Dena dela, litekeena da galera handia izatea, inkestek diotenez, bozen % 25 baino ez lortu dezakeelako.

Bestalde, Ezkerra prest dago Gobernuarekin bat egiteko. Inkesten arabera, alderdi horrek botoen % 40 inguru eskura dezake, baina horrek ez luke bermatuko zentro-eskuineko Gobernurik.

Zentro-eskuineko blokean Alderdi Moderatua, Alderdi Popular Liberala eta Demokrata Kristauen Alderdia daude, eta horiek guztiek Ulf Kristersson lehen ministro bihurtzeko asmoa dute. Dena dela, inkestek diotenez, baliteke moderatuen boto kopurua txikiagoa izatea, % 20 ingurukoa, alegia.

Izan ere, litekeena da Suediar Demokratak alderdia bigarren indar politikoa bihurtzea, bere jatorri neonazia makillatu duelako, eta etorkin eta errefuxiatuen aurkako mezuarekin bat egiten dutelako egun bost suediarretatik batek.