Indarkeriaren ondorioak Gazan: 167 palestinar hil dituzte eta beste 18.000 zauritu

Gutxienez 167 palestinar hil dituzte eta 18.000 zauritu, Israel eta Gazako Zerrendaren arteko mugan izandako liskarretan martxoaren 30ean Itzuleraren Martxa Handia hasi zenetik. Halaxe eman du jakitera larunbat honetan Palestinako Osasun Ministerioak.

Israeldarren aldetik soldadu bat eta dozenaka herritar zauritu dira.

Gaur hil da gatazka honetako azken pertsona, ostiralean zauritutako 40 urteko gizon palestinarra. Egun hartan beste bi palestinar ere hil zituzten tirokatuta. "9.000 manifestari inguru elkartu dira Gaza eta Israel arteko segurtasun hesiaren inguruetan" txiokatu zuten israeldarrek. Manifestazioak liskarrekin amaitu ziren berriz ere, eta protestan ari zirenak tirokatu egin zituzten frankotiratzaileek.

Beraz, ostegunean bertan, Egiptok eta Nazio Batuek bultzatuta, Israelen eta Hamasen artean hitzartutako su-etenak ez du 24 ordu ere iraun.