Mundua -
Ekialde Hurbila
Palestinar bat hil eta 200 baino gehiago zauritu dira Israel eta Gaza arteko mugan
Milaka palestinar bildu dira Israelgo mugan, Ekialde Hurbilean errefuxiatutako palestinarren itzulera aldarrikatzeko.
Agentziak | Erredakzioa
Palestinar bat hil eta beste 220 zauritu dira ostiral honetan Israel eta Gaza arteko mugan soldadu israeldarren eta manifestari palestinarren artean izandako istiluetan, WAFA albiste agentzia palestinarrak jakinarazi duenez.
Milaka palestinar bildu dira mugan, Ekialde Hurbilean errefuxiatutako palestinarren itzulera eskatzeko joan den martxoaren 30ean abiatutako protesten baitan. Orduz gero, gutxienez 155 palestinar eta soldadu israeldar bat hil dira.
Israelgo Defentsa Indarrek (IDF) Twitter bidez salatu dutenez, "susmagarri talde bat Israelen sartu da Gaza hegoaldetik eta lehergailuak jaurti dituzte". Ondoren, Palestinara itzuli dira.
Horrez gain, egunean zehar bost manifestazio egon direla azaldu du IDF taldeak. Horrez gain, guztira 8.000 bat pertsona "biolentok" hartu dutela parte esan du.
