Mundua -
Alemania
Lau pertsona zauritu dira Alemanian, aizto batekin egindako erasoan
Poliziak erasotzailea atxilotu duela jakinarazi du. Ez du erasoaren arrazoiei buruzko ezer esan, ikerketan sakondu baino lehen.
Agentziak | Erredakzioa
Gutxienez lau pertsona zauritu dira, larunbat honetan, Munichen (Alemania), gizonezko batek aizto batez egindako erasoaren ondorioz, segurtasun iturriek jakitera eman dutenez.
Gertaera goiz honetan izan da, Rosenheimer Platz geltokian. Poliziak sokaz inguratu du gunea, erasotzailea (40 urte ditu) harrapatu baino lehen. Gizonezkoak bizikleta beltz batean ihes egin du erasoa egin bezain laster.
Oraingoz, Poliziak ez du erasoaren arrazoiei buruzko ezer esan, ikerketan sakondu baino lehen.
Agintariek bizilagunei etxeetan egotea eskatu die, beste abisu bat jaso arte.