Mundua -
Bruselara
Berlusconi zeraman hegazkinak larrialdiko lurreratzea egin du
Arazo tekniko batek Milanen lurreratzera behartu du. Hegazkin aldatuta jarraitu beharko du bidaia Italiako presidenteak.
Erredakzioa
Italiako Gobernuko presidentea, Silvio Berlusconi, Bruselara zeraman Estatu hegazkinak Milango aireportuan lurreratu behar izan du, arazo tekniko bat dela eta, Italiako komunikabideen arabera.
Hegazkina Erromatik atera ondoren, kabinako leihatilarekin arazo bat zegoela konturatu zen pilotua, eta Milango Linate aireportuan lurreratzea erabaki zuen.
Paolo Bonaiuti Gobernuko idazkariordearen esanetan, "egoera lasai dago" eta Bruselara joateko beste hegazkin baten zain daudela esan du. Europako Batzordean parte hartzeko asmoz zihoan Berlusconi Bruselara.
Hau zure interesekoa bada, baliteke beste gai hauek ere izatea