Calabriako mafiako 300 kide inguru atxilotu dituzte Italian

Italiako Poliziak eta Carabineroak (polizia militarra) ''Ndranghetarekin, Calabriako mafiarekin, zerikusia duten 300 lagun inguru atxilotu dituzte Italiako hainbat hiritan zehar egindako operazioan, adierazi dute polizia iturriek.

Iturri berdinek adierazi dutenez, operazioa Milaneko Mafiaren Kontrako Fiskaltza (iparraldea) eta Reggio Calabriako (hegoaldea) Fiskaltzaren arteko elkarlana izan da. Guztira 300 atxilotzeko agindu igorri dira, eta batzuk dagoeneko atxilotuta zeuden lagunei zuzenduta zeuden, oraindik datu zehatzik eman ez den arren.

Operazioa egunsentian hasi da eta 3.000 agente baino gehiagok parte hartu dute.

Ikerketa bitartean, legez kontrako hainbat ekintza identifikatu dituzte ikertzaileek. Gainera hamarnaka milioitan balioztatutako ondasunak konfiskatu dituzte. ''Ndrangheta Italiako erakunde kriminal indartsuena, krudel eta odoltsuena da.