Irakeko Armadak Mosul kontrolpean hartzeko erasoa hasi du

Irakeko Armadak herrialdeko bigarren hiri handiena, Mosul, berreskuratzeko erasoa hasi du bart indar aliatuen laguntzarekin.

Haider al-Abadi Irakeko lehen ministroak eman die operazioaren berri herritarrei, telebista bidez. "Garaipenaren unea iritsi da" eta "ISISen terrorismotik eta biolentziatik askatzeko operazioa abiatzeko agindu dut", adierazi du.

Mosul ISISen gotorleku da 2014ko ekainaz geroztik, eta Irakeko Armadak hilabeteak zeramatzak operazio militarra prestatzen.

Operazio militarra abiatu aurretik, kaleetan panfletoak bota dituzte erasoaz ohartarazteko herritarrei.

Gaur egun ez dago argi zenbat pertsona bizi diren Mosulen, baina ISISek bereganatu arte bi milioi biztanle zituen.