Mundua -
Erasoa AEBn
Atxilotu dute atzo AEBn izandako tiroketaren ustezko egilea
Agintari estatubatuarrek diotenez, ez dute uste ekintza terrorista izan denik, nahiz eta oraindik hipotesia ez baztertu.
Agentziak | Erredakzioa
Atzo Burlingtonen (AEB) bost hildako utzi zituen tiroketaren ustezko egilea atxilotu dute. Arcan Cetin izeneko etorkin turkiarra da, estatuko poliziak baieztatu duenaren arabera.
Oak Harborren bizi den 20 urteko gaztea da, erasoaren tokitik 40 kilometrora, hain zuzen ere. Errepide ondotik oinez zihoala atxilotu zuten, bere autoa aurkitu ondoren.
Ez zeraman armarik, eta ez zien agenteei aurre egin. Susmagarria ikusi zutela zioten zenbait dei jaso zituen poliziak, eta horri esker lortu zuten non zegoen jakitea.
Poliziaren arduradunaren esanetan, ez dakite zergatik egin zuen tiro. Ez dute uste ekintza terrorista izan denik, nahiz eta oraindik hipotesia ez baztertu.
