Mundua -
Siriako gerra
AEBk eta Errusiak su-etena adostu dute Sirian
Estatu Islamikoaren aurkako erasoak tregoatik kanpo geratuko dira. Akordioa hilaren 27an sartuko da indarrean.
AGENTZIAK | ERREDAKZIOA
AEBk eta Errusiak su-etena adostu dute Sirian, baina Estatu Islamikoaren aurkako erasoak akordiotik at geratuko dira. Hilaren 27an sartuko da indarrean tregoa.
"Su-etena Siriako gatazkan nahasita dauden eta horrekin ados dauden alde guztiek ezarriko dute", azaldu du AEBko Estatu Idazkaritzak.
Negoziazioetarako Batzorde Gorenak, Siriako oposizioaren aliantza nagusiak, onartu egin du tregoa, "behin-behinean".
Besteak beste, Errusiak bonbardaketak etetea, laguntza humanitarioa sartzen uztea eta presoak askatzea aurreikusten du akordioak.
Egonkortasuna sustatzeko xedez, AEB eta Errusia "informazioa elkartrukatzea" prest agertu dira.
Ban Ki-moon NBEko idazkari nagusiak txalotu egin du akordioa, eta herritarrentzat "itxaropen seinalea" dela adierazi du.
Giza Eskubideen Behatoki Siriarraren datuen arabera, 250.000 pertsona hil dira eta 4 milioi errefuxiatuk herrialdetik alde egin dute 2011n gerra piztu zenetik.
