Mundua -
Hondoratzea
Gutxienez hiru etorkin hil dira Maltan, ontzi bat hondoratuta
Ezbeharra nazioarteko uretan izan da, Maltatik 300 miliara. 30 etorkin desagertuta daude.
Erredakzioa
Dokumentaziorik ez zuten hiru etorkin hil dira gutxienez Maltako kostaldean izan den hondoratzean. Ontzia Afrika iparraldetik Italiara zihoan, Italiako hainbat komunikabidek jakitera eman dutenez.
Gauean izan da istripua, nazioarteko uretan, eta Malta hego-ekialdetik 300 miliara. Ez dute oraindik zehaztu zenbat lagun zihoazen ontzian, baina badirudi 30 bat desagertuta daudela.
7 lagun bizirik erreskatatu ahal izan ditu Pegasus merkantzia ontziak, horien artean bi adingabe.
Italiako eta Greziako kostaldeko guardiak ari dira desagertuen bilaketa lanetan. Bizirik atera dituzten etorkinetako hiru Greziako erietxe batera eraman dituzte, egoera larrian.