Merkel: 'Emaitza bikaina da eta arduraz jokatuko dugu'

Angela Merkel Alemaniako kantzilerrak hauteskundeetan lortutako emaitza "bikaina" dela esan eta bere alderdiak, CDU zentro-eskuindarrak, "arduraz" jokatuko duela gaineratu du, hautesleek emandako "agindu argiari" erantzuteko.

"Emandako konfiantza eskertzen dut. Astelehenean, emaitzak eskuan ditugula, egoerari helduko diogu, baina orain ospakizunerako momentua da", esan du kantzilerrak.

Gobernuan Merkelen kide izan den Alderdi Liberalak (FDP), berriz, porrot galanta jaso duela dirudi. Lehen aurreikuspenen arabera, bozen % 5 lortu du solik eta Bundestag edo Alemaniako Parlamentutik kanpo geratuko da.

Emaitzak konfirmatuz gero, hondamendia litzateke liberalentzat, alderdi historikoa baitira Alemanian: azken 22 gobernuetatik 17tan parte hartu dute.