Mundua -
Urteurrenean
9 pertsona hil dira eta ia 400 zauritu Egiptoko liskar larrietan
Osasun Ministerioaren arabera, 379 pertsona zauritu dira, horietatik gehienak Kairon (82 pertsona).
Erredakziaoa
Gutxienez bederatzi pertsona hil dira Suezen (ekialdea) Poliziaren eta Gobernuaren kontrako manifestatzaileen artean izandako liskar larrietan, medikuek eta segurtasun arduradunek jakitera eman dutenez.
Iturriek azaldu dutenez, gutxienez bost biktima suzko armen tiroen ondorioz hil dira.
Osasun Ministerioak hiri horretan lau pertsona hil direla jakinarazi du, baina beste bost azken unea hil dira, istilu larrietan zauritu ostean. Iraultzaren bigarren urteurrenean izan dira istilu larri hauek hiriburu askotan.
Osasun Ministerioaren arabera, 379 pertsona zauritu dira, horietatik gehienak Kairon (82 pertsona), istiluak hiriko kale nagusietan barrena zabaldu dira, eta istiluen aurkako poliziek jaurtitako gas negar-eragileek leku asko hartu dute.
Tahrir plaza hustu behar izan dute, batzuetan gas negar-eragileen ondorioz arnasa hartzea ezinezkoa delako, baina horren efektua joan ostean, manifestatzaileak berehala euren lekuetara itzuli dira.
Oposizioko alderdi nagusiak batasun-Gobernua sortzea eskatu du
Salbazio Nazionaleko Fronteak, Egipton oposizioko alderdi nagusiak, batasun-Gobernua osatzea eskatu du eta Mohamed Mursi presidenteari eta Anaia Musulmanei herrialdearen egoeraren errua bota diete.
