Kokaina arropa bihurtzen zuen trafikante taldea desegin dute Bilbon

Ertzaintzak eta Guardia Zibilak kokaina trafikoan aritzen zen taldea desegin dute. Espainia osoan aritzen ziren eta droga zuntz bihurtzen zuten horiekin arropak egiteko. Horrela, aireportuetan harrapatuak izatea saihesten zuten.

Operazioan sei pertsona atxilotu dituzte, hiru Galizian eta beste hiru Euskadin. Guztira, 12,5 kilo kokaina atzeman dituzte, Ertzaintzaren arabera.

Euskadin atxilotutako hirurak, bi gizonezko eta emakumezko bat, kartzelan sartu dituzte Getxoko Epaitegietan deklaratu ostean.

Deigarriena eta bitxiena droga Espainian sartzeko erabilitako metodoa da. Kokaina zuntz bihurtzen zuten eta horrekin arropak egiten zituzten.

Atzemandako droga kopuruak 250.000 euroko balioa du, baina behien tratatuta eta merkaturatuta, milioi euroko balioa izango luke.