Gizartea -
Polemika
'Naked Men' erakusketak vienarrak lotsatu ditu
Leopold museoak erakusketa baten kartela zentsuratu du, hiru futbolari biluzik erakusten zituelako. Erakusketak artearen historian gizonezko biluziek zer bilakaera izan duten aztertzen du.
Erredakzioa
Vienako Leopold museoak "Naked Men" erakusketako kartela zentsuratu du, hiru futbolari biluzik erakusten zituelako.
"Hainbat pertsona mindu zitzakeela edo haserretu zitezkeela konturatu ginen. Gure bisitarien segurtasunak eta babesak ere arduratzen gaitu", azaldu du Klaus Pokorny museoko arduradunak.
Erakusketa 2013ko urtarrilaren 28ra arte izango da museoan eta artearen historian gizonezko biluziek zer bilakaera izan duten aztertzen du.
"Ez gaude pozik egoera honekin. XXI. mendean gaude. Jende askok seme-alabak babestu behar zituztela esan ziguten eta, guk egiten ez bagenuen, brotxa batekin margotuko zutela kartela. Eta, egin dute", salatu du arduradunak.