Gizartea -

Trafikoa

Auto-ilarak bukatuta, zirkulazioa bere onera itzuli da N-1 errepidean, Villabonan

Kamioi baten eta bi autoren arteko istripuak 6 kilometroko auto-ilarak sortu ditu goizean goiz. Pertsona bat zauritu da istripuan, baina tokian bertan artatu dute anbulantziako langileek.

Istripua Villabonan. Argazkia: Trafiko (Twitter)
Istripua Villabonan

Istripua Villabonan. Argazkia: Trafiko (Twitter)

AGENTZIAK | EITB MEDIA

Whatsapp Facebook Twitter Telegram Email

Lagun bat zauritu da goizeko lehen orduan N-1 errepidean, Villabonan, hiru ibilgailuren artean gertatu den istripu batean. 5-6 kilometroko auto-ilarak eragin ditu ezbeharrak, Segurtasun Sailak jakitera eman duenez.

07:40an jazo da istripua. Bi autok eta kamioi batek talka egin dute, eta errei bat itxi dute Gasteizerako noranzkoan, baina 09:00etarako ireki dute berriro, eta hamabost minutu geroago errepidea erabat garbi zegoen.

Anbulantzia bat eta garabiak bertaratu dira istripua gertatu den lekura, zauritua artatzeko eta ibilgailuak errepidetik kentzeko.

Hau zure interesekoa bada, baliteke beste gai hauek ere izatea
Trafiko Istripuak Trafikoa Gipuzkoa Tolosa Gizartea Eguneko albisteak Villabona Albisteak N-1