Gizartea -
Gobernuaren erabakien ondorioz
Justizia 'garestiagoa eta motelagoa' izango da, euskal epaileen ustez
Komunikatu batean, Justizia Ministerioaren erabakiek "Justizia emateko baldintzei kalte handia" egingo dietela azpimarratu dute.
Erredakzioa
Euskadiko epaileek Mariano Rajoyren Gobernuaren azken erabakiak salatu dituzte, Justizia "garestiagoa eta motelagoa" izatea ekarriko dutelako.
Komunikatu batean, "Justizia Administrazioaren egoera larria" salatu dute, epaileen eta fiskaleen Batzordeak aste honetan bertan egindako diagnostikoarekin bat eginda.
Euskal epaileen arabera, "epaitegietan gero eta baliabide eta epaile gutxiago daude, eta gainera tasak igo egin nahi dituzte".