Gizon bat atxilotu dute Donostian emakumeei ukituak egiteagatik

Gizona, bizikletan zihoala, atzetik hurbiltzen zen biktimengana, bizikletaren martxa moteltzen zuen eta, ukituak egin edo indarrez heldu ondoren, ihes egiten zuen.

AGENTZIAK | EITB MEDIA

publikatuta: 2023/09/28 12:04 (UTC+2)

azken eguneratzea: 2023/09/28 13:43 (UTC+2)

Ertzaintzak gizon bat atxilotu du Donostian emakumeei ukituak egiteagatik.

Erasotzailea bizikleta batean mugitzen zen beti. Polizia-operazioa Antigua auzoan egin dute, kasu gehienak bertan gertatu baitira, Eusko Jaurlaritzako Segurtasun Sailak jakinarazi duenez.

Ertzaintzak 35 urteko gizon hori atxilotu zuen asteazken arratsaldean, sexu-eraso delituak egotzita.

Ikertutako 12 salaketen arabera, egilea atzetik hurbiltzen zen biktimengana, bizikletaren martxa moteltzen zuen, eta ukituak egin edo indarrez heldu ondoren, ihes egiten zuen.

Hau zure interesekoa bada, baliteke beste gai hauek ere izatea

Donostia Indarkeria matxista Gizartea Eguneko albisteak Albisteak Sexu erasoak

Gizon bat atxilotu dute Donostian emakumeei ukituak egiteagatik

Esteka kopiatuta