Gizartea -
INDARKERIA MATXISTA
Gizon batek bikotekidea hil du Bartzelonan
Esquadra Mossoek gizona atxilotu dute, 29 urteko emakumea indarkeriaz hil duelakoan.
AGENTZIAK | EITB MEDIA
Esquadra Mossoek 34 urteko gizonezko bat atxilotu dute gaur (igandea), goizaldean Bartzelonako Nou Barris barrutian izandako 29 urteko bikotekidearen indarkeriazko heriotzarekin zerikusia duelakoan.
Agenteek 01:30 aldera jaso dute abisua, eta, bertaratu ostean, Emergencies Mediques sistemak heriotza egiaztatu du, Kataluniako Poliziak ohar baten bidez jakinarazi duenez.
Agenteek gertakarien lekuan bertan atxilotu dute gizona, heriotzaren ustezko egilea delakoan, eta Bartzelonako Ikerketa Kriminaleko Dibisioa arduratu da ikerketaz.
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Hau zure interesekoa bada, baliteke beste gai hauek ere izatea