Gizartea -
Gertakariak
Homizidio saiakera leporatuta, gizon bat atxilotu dute Barakaldon
Eztabaida baten ondorioz, labankada bat eman zion atxilotuak gizon bati sabelaldean astearte iluntzean.
Agentziak | EITB Media
Barakaldoko Udaltzaingoak 31 urteko gizon bat atxilotu zuen astearte iluntzean homizidio saiakera leporatuta. Eztabaida baten ondorioz, beste gizon bat labanaz zuritu zuen sabelaldean.
Gertakaria astearte iluntzeko 20:00ak aldera izan zen Barakaldoko San Bizente auzoan Udaltzaingoak jakinarazi duenez. Bi pertsona eztabaidan aritu ziren eta horietako batek labankada eman zion bigarrenari. Ondoren, ihes egiten saiatu zen baina Udaltzaingoak atzeman zuen eta, hauen iturrien arabera, labankada eman izana aitortu zuen.
Udaltzaingoko agenteek labana bat aurkitu zuten edukiontzi baten alboan.
Hau zure interesekoa bada, baliteke beste gai hauek ere izatea