Virginia Berasategui Bilboko Aste Nagusiko pregoilari izendatu dute

Bilboko Udaleko Jai Batzordeak astearte honetan Virginia Berasategui atleta 2012ko Aste Nagusiko pregoilari izendatu du.

Virginia Berasategui (Bilbo, 1975eko uztailaren 15a) kirolaren munduan 1979an hasi zen, Bilboko Kirol Elkarteko kirol taldearekin, eta bere lehenengo lehia Gabonetako Torneoan izan zen, 1982an.

Bere lehenengo garaipenak igeriketan 1986an lortu zituen, Lekeition Triatloi bat irabazi zuen, Bizkaian 200 eta 400 metrotan ere irabazi zuen, eta atletismoan Plentziako kros herrikoian 1988an irabazi zuen.

Triatloiko bere debuta garaipen batekin egin zuen, Castron, 1988an, eta nazioarte mailan izandako bere lehenengo garaipena Donostian izan zen, Atletismoko Txapelketa Hexagonalean. Australiako Munduko Txapelketan lehenengoz 1991n egon zen, 16 urte zituela, txapelketako atletarik gazteena izanez.

Berasategui laugarren postuan geratu zen Hawaiiko Ironman proban 2010ean. Triatloiko Espainiako Federazioak “XX. Mendeko Triatletarik Onena” izendatu du.

Bizkaiko kirolaririk onena bezala izendatu dute 1992an, 1994an, 1997an, 2003an, 2008an eta 2009an. Sabiro Arana Fundazioa 2010 saria lortu du, besteak beste.