Gizartea -
IZENBURU NAGUSIAK
Albiste izango dira: Uholde arriskua, San Sebastian bezpera eta indarkeria matxistaren aurkako protokoloa
Gaurkoan albiste izango direnen laburpena, hitz bitan.
EITB MEDIA
Honako gai hauek hartuko dituzte gaur, urtarrilak 19, hedabideetako lerroburu nagusiak:
- Uholde arriskua: Elur arriskua atzean utzi, eta euri jasak izango dira protagonista gaur. 09:00ak arte elurragatik alertapean jarraituko du EAEk. Nafarroan (Erribera kenduta) 18:00ak arte egongo da indarrean.
- San Sebastian bezpera: Donostiako eta Azpeitiko kaleak, besteak beste, danbor hotsez beteko dira, eta EITBko hedabideak horren lekuko izango dira. Ostegun gauean, 22:30ean hasiko da ETB1en eta eitb.eus-en "Danborrada Gaua" saio berezia, Nerea Aliasek eta Egoitz Txurrukak aurkeztuta.
- Indarkeria matxistaren kontrako protokoloa: Indarkeria matxistaren biktimak artatzeko akordioa berrituko dute EAEko erakundeek. Lehendakaritzan egingo da ekitaldia, 10:30ean, Iñigo Urkullu lehendakaria buru dela.
