Gizartea -
GERTAKARIA
Mexikon desagertuta zegoen bikote lapurtarra hilda aurkitu dute
Mexikoko Valladolid herrian hotel bat zeukaten, eta hango patioan lurperatuta aurkitu dituzte bi gorpuak, Yukatango hainbat hedabidek zabaldu dutenez. Irailetik zeuden desagertuta.
EITB MEDIA
Michel Amado eta Assya Madjour Mexikon desagertuta zegoen bikote lapurtarra hilda aurkitu du hango Poliziak. Yukatan estatuko Valladolid herrian zuten hotelean aurkitu zituzten bi gorpuak patioan lurperatuta joan den astean, hango hainbat hedabidek zabaldu dutenez.
Hilabete honen hasieran izan genuen desagertzearen berri. Frantziako Gobernuak Mexikon duen enbaxadak urriaren 5ean baieztatu zuen Donibane Lohizuneko eta Ziburuko gizon eta emakume bat desagertuta zeudela Mexikon. Irailaren 12tik ez zegoen haien berririk, eta familiak desagertzearen abisua eman zuen. San Cristobal de las Casaseko zentro espiritual batean ikusi zituzten azkenekoz.
Valladoliden dagoen Catrina de Candelaria hotelaren jabeak ziren Madjour eta Amado, eta urteak zeramatzaten bertan bizitzen.