Gizartea -
baso sutea
Sute batek mendipeko gune bat kiskali du Etxabarri-Ibiñan (Araba)
Suak ez die Zigoitia udalerriko kontzeju horretako etxebizitzei eragin, eta ez dute auzokiderik ebakuatu behar izan.
agentziak | eitb media
Jada itzalita dagoen sute batek mendipeko gune bat kiskali du arratsalde honetan, Arabako Etxabarri-Ibiña kontzejuan.
Arratsaldeko ordubiak aldera piztu da sua, eta 19:00ak inguru lortu dute itzaltzea. Dena den, Arabako suhitzaileak bertan daude oraindik, ingurua freskatzen.
Aire bidezko baliabideek ere parte hartu dute itzaltze lanetan. Suak ez die Zigoitia udalerriko kontzeju horretako etxebizitzei eragin, eta ez dute auzokiderik ebakuatu behar izan, Segurtasun Sailetik jakinarazi dutenez.