Gizartea -
Madrilen
Espainiako erregea ospitaletik irten da, ebakuntza egin eta 12 ordura
Estatuburuak luxazioa egin du "mugimendu oker bat" egitean. Duela bi aste, aldaka hautsi zuen Botswanan elefanteak ehizatzen ari zela.
Erredakzioa
Juan Carlos I.a Espainiako erregeari beste ebakuntza bat egin diote bart aldakan, luxazioa egin baitu "mugimendu oker bat" egitean, Errege Etxeak jakinarazi duenez.
Hain zuzen ere, USP San Jose klinika pribatuan egin diote ebakuntza, eta bertan gaua pasatu du. 11:00ak aldera, sendagiria jaso du eta ospitaletik irten da ebakuntza egin eta 12 ordura.
Erregeak Zarzuelan Abdullah bin Zayed al Nahyan Arabiar Emirerrietako Atzerri ministroarekin batzartu eta gero egin du luxazioa.
Hilaren 14an, agintariak aldaka hautsi zuen Botswanan elefanteak ehizatzen ari zela, eta 18an atera zen ospitaletik.
