Gizartea -
Gipuzkoa
Etxebizitza-eraikin baten zati bat erori da Azpeitian
Ez da inor zauritu, baina inguruko eraikinetan bizi diren bost familia etxetik atera behar izan dituzte.
LUZIA ZUGADI LASA | EITB MEDIA
Etxebizitza-eraikin baten zati bat erori da gauerdian Azpeitiko alde zaharrean. Elizkale kaleko 24. zenbakian gertatu da ezbeharra, 03:00ak aldera. Eraikina hutsik zegoen, baina inguruko etxebizitzetan bizi diren bost familia etxetik atera behar izan dituzte, badaezpada.
Gertatutakoaren berri jaso dutenean, suhiltzaileak eta Udaltzaingoa Elizkale kalera bertaratu dira, eta haiek jakinarazi dutenez, ez da inor zauritu. Halere, hamaika bat lagun etxetik irten behar izan dira. Dirudienez, Loiola hotelean emango die ostatu Udalak.
Elizkale kalea itxi egin dute.