Oihan Sancet Athleticeko jokalaria ikertzen ari dira Iruñean izandako trafiko istripu batengatik

Iruñeko Udaltzaingoa asteburuan Nafarroako hiriburuan gertatu zen trafiko istripu bat ikertzen ari da. Ezbeharra izan zuen autoa Oihan Sancet Athleticeko jokalariarena da.

Larunbatetik iganderako goizaldean Belosoko aldapan gertaturikoa argitu nahian ari da Iruñeko Udaltzaingoa.

Udaltzaingoaren patruila bat istripua izan zen tokira heldu zenean, ez zegoen inor ibilgailuaren barruan, baia lau gazte aurkitu zituzten haren inguruetan.

Dena dela, udaltzainek berehala jakin zuten autoa Oihan Sancet Athleticeko jokalari iruindarrarena zela.

Antza denez, agenteak gerturatu orduko, alde egin zuen korrika, ihesi.

Sancetek polizia-etxera joan behar izan zuen igande goizean, deklaratzera.