Gizartea -
Emakumeen kontrako indarkeria
Gizon bat atxilotu dute Gasteizen bikotekideari eraso diolakoan
Atxilotuak, 53 urteko gizonak, ustez bikotekidea jo zuen eta ondoren leihotik behera botako zuela mehatxu egin zion.
Erredakzioa
Ertzaintzaren agenteek 53 urteko gizonezko bat atxilotu dute Gasteizen bikotekideari eraso egitea leporatuta.
Herrizaingo Sailak jakinarazi duenez gertakaria igande goizean jazo zen Gasteizko Txagorritxu auzoko etxebizitza batean.
Ertzainek bikote baten arteko liskarraren berri emanez dei bat jaso zuten. Agenteak etxebizitzara bertaratu ziren eta biktimak aurpegian ubeldurak zituela ikusi zuten.
Emakumeak bikotekideak jo egin zuela azaldu zien eta arrastaka leiho batera eraman eta bertatik behera botako zuela mehatxu egin ziola adierazi zien.
Ustezko erasotzailea etxebizitzan bertan zegoen eta agenteek atxilotu egin zuten emakumeen kontrako indarkeria delitua egotzita.
