Gizartea -
Spanairren porrota
Spanairreko langileek Ryanairren kontra protestatu dute Bilbon
Bestalde, asteazkenean langileek bilera egingo dute, etorkizunean egingo dituzten protestak erabakitzeko. Horrez gain, Loiuko aireportuan manifestazio bat egingo dutela jakinarazi dute.
Erredakzioa
Loiuko Spanairreko langileek Ryanairrek "estatuko aire merkatua leherrarazi izana" salatu dute, eta konpainia horrek maiatzean Loiutik hasiko dituen hegaldiak diru laguntzen truke izatea onartuko ez dutela ohartarazi dute. Bestalde, langileak asteazkenean batzartuko dira, etorkizunean egingo dituzten protestak erabakitzeko. Horrez gain, Loiuko aireportuan manifestazio bat egingo dutela jakinarazi dute.
Spanairreko langile talde bat Michael O´Leary Ryanairreko presidenteak eginiko prentsaurrekora bertaratu da protesta egiteko asmoz. Solasaldi horretan, konpainia horrek maiatzetik aurrera Bilboko aireportuan egingo dituen hegaldien aurkezpena egin du.
"Goizetik gauera kaleratu gaituzten langile kolektibo baten aurrean jarri eta eskua altxatu du, irabazi duen seinale. Horrek nolakoa den erakusten du", esan du Jon Herrera Euskadiko CCOO sindikatuko ordezkariak.
"Negoziaketei hasiera eman"
CCOOko arduradunak erakundeekin batzartzeko eskaera egingo dutela adierazi du, konpainiaren egitasmoen nondik norakoak azaldu eta beraien iritzia azaltzeko.
Konpainiarekin duten gatazkaren harira, langileentzat soluzio justu bat lortu arte itxialdian jarraituko dutela jakinarazi dute. Zentzu horretan, negoziaketei hasiera emateko asmoz, Estatuko zein euskal instituzioei gutunak bidaliko dizkietela azaldu dute.
