Gizartea -
BIZKAIA
Zornotzan jipoitutako gazteak egoera larrian jarraitzen du
23 urteko lemoarra uztailaren 25ean jipoitu zuen gazte talde batek. Harrezkero, Gurutzetako Ospitalean dago, koman. Gertakari horrekin lotuta 15 lagun atxilotu dituzte.
AGENTZIAK | EITB MEDIA
Joan den uztailaren 25ean, Zornotzan jipoitu zuten gazteak larri jarraitzen duela jakinarazi du Gotzone Sagardui Osasun sailburuak eguerdian egin duen agerraldian. "Haren egoera oso kezkagarria da", adierazi du kazetarien galderei erantzunez.
Hainbat gazteren arteaN jipoitu zuten eta irudiak sare sozialen bidez zabaldu ziren. Guztira, 15 pertsona atxilotu dituzte erasoan parte hartzea egotzita, tartean zortzi adin txikiko. Sei lagun espetxean sartu dituzte eta beste bat baldintzapean aske utzi zuten.
Ertzaintzak gertakaria ikertzen segitzen du eta erasotzaileak 'Koala Anaiak' izeneko talde bateko kideak direla uste dute. Bizkaiko udalerrietan beste hainbat eraso egin izana leporatzen diote talde horri.
