Gizartea -
Txertaketa
EAEko herritarren ia % 62 guztiz immunizatuta daude
Gainera, euskaldunen % 75k gutxienez dosi bat jaso du dagoeneko. % 1,8k, ostera, ez du txertorik jaso izan nahi edo kontraindikazioren bat du.
EITB MEDIA
1.169.917 dira dagoeneko covid-19aren aurka guztiz immunizatuta dauden EAEko herritarrak, 16 urtetik gorako herritarren % 62,8. Gainera, 1.425.373 lagunek gutxienez lehen dosia jaso du, herritarren % 75,4k alegia. Euskaldunen % 1,8k, ostera, kontraindikazioren bat du txertoa hartzeari dagokionez, edo ez du jaso nahi izan.
Hori guztia Eusko Jaurlaritzaren Osasun Sailak eman du jakitera astelehen honetan. Euskadik, bosgarren egunez jarraian 1.000 kasutik gora atzeman ditu, eta hala, hiru lurralde historikoak, zein bertako hiriburuak, eremu gorrian daude koronabirusaren koloretako semaforoaren arabera.
