Osakidetzak PCR proba egiteko eskatu die Bilboko Poker tabernako bezeroei

Martxoaren 15etik 22ra egon zirenei dago zuzenduta eskaera. Ez da hitzordua eskatu beharko; nahikoa da Mercedeko osasun zentrora joatea ostiralean, 15:00etatik 20:00etara.

agentziak | eitb media

publikatuta: 2021/03/25 18:08 (UTC+1)

azken eguneratzea: 2021/03/25 19:12 (UTC+1)

Osakidetzak PCR proba egiteko eskatu die Bilboko Basurtu auzoko Poker tabernan martxoaren 15a eta 22a artean egon ziren bezeroei. Mercedeko osasun zentroan jarriko dute probak egiteko eremua, ostiral arratsaldean.

Eusko Jaurlaritzaren Osasun Sailak ohar baten bidez eskatu die bezero horiei osasun zentrora joan daitezela ostiral honetan, 15:00ak eta 20:00ak artean, covid-19aren diagnosi proba egitera.

Osakidetzak argitu du ez dela beharrezkoa hitzordua eskatzea, nahikoa dela aipatu lekuan bertaratzea, eta gero emaitza SMS bidez jasoko dutela.

Kontuan izan osasun-agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.

Hau zure interesekoa bada, baliteke beste gai hauek ere izatea

Osakidetza Bilbo Bizkaia Gaixotasunak Gizartea Eguneko albisteak Albisteak Osasun albisteak Basurtuko ospitalea Koronabirusa

Osakidetzak PCR proba egiteko eskatu die Bilboko Poker tabernako bezeroei

Esteka kopiatuta