Gizartea -
Koronabirusaren semaforoa
EAEn eremu gorrian zeuden sei udalerriak bertan mantendu dira
Azpeitiak, Beasainek, Arrasatek, Ordiziak, Arrigorriagak eta Ermuak ez dute datuak hobetzea lortu, beraz, gune kritikoenean jarraituko dute.
eitb.eus
Gipuzkoan, Azpeitiak, Beasainek, Arrasatek eta Ordiziak ez dute lortu datuak hobetzea, eta gune kritikoenean jarraituko dute.
Eremu laranjan Aretxabaleta, Astigarraga, Bergara, Eibar, Lasarte-Oria, Mutriku, Oñati, Pasaia, Donostia, Zarautz eta Zumarraga daude.
Andoain, Azkoitia, Deba, Elgoibar, Errenteria, Hernani, Hondarribia, Irun, Lazkao, Legazpi, Lezo, Oiartzun, Orio, Tolosa, Urnieta, Urretxu, Usurbil, Villabona eta Zumaia gune horian kokatu dira.
Bizkaiaren kasuan, Arrigorriagak eta Ermuak ezin izan dute eremu gorria utzi.
Bigarren mailan daude Abanto Zierbena, Zornotza, Barakaldo, Bilbo eta Elorrio.
Abadiño, Balmaseda, Basauri, Berango, Bermeo, Derio, Durango, Erandio, Etxebarri, Galdakao, Gernika-Lumo, Getxo, Gueñes, Gorliz, Leioa, Mungia, Muskiz, Ondarroa, Ortuella, Portugalete, Santurtzi, Sestao, Sopela, Trapagaran eta Zalla eremu horian daude.
Gainera, Lekeitiok eremu berdean jarraitzen du.
Arabari dagokionez, Agurainek Amurriok eta Laudiok gune horian jarraitzen dute. Gasteizek, ordea, kolore laranjari eutsi dio.
Jaurlaritzak Europar Batasunak (EB) onartutako koloreen mapa egokitu du, eta azken 14 egunetan metatutako eragin-tasaren arabera sailkatu ditu EAEko udalerriak. Zehazki, semaforo horrek kolore berde, laranja, hori edo gorriarekin sailkatzen ditu 5.000 biztanletik gorako udalerriak, azken bi asteetan hautemandako koronabirus kasu berrien arabera. Zehazki, koloreak horrela erabiltzen dira:
