Musukorik ez zeraman gizon batek Euskotreneko langile bat jo du errieta egin diolako

Euskotreneko lineako agente bat eraso baten biktima izan zen aurreko larunbatean. Bilboko Metroaren 3. Lineako Zurbaranbarriko geltokian izan zen erasoa, agenteak gizon bati musukoa ez eramateagatik arreta deitu zionean.

Euskotrenek eta batzorde iraunkorrak gogor gaitzetsi dute gertakaria, eta tren konpainiak epaitegietara joko du.

Enpresaren arabera, ustezko erasotzaileak langilea jo zuen eta mehatxu egin zion labanarekin. Gertakarien berri izan ostean, Euskotrenek ordezkatu egin zuen biktima, eta ikuskatzaile batek mutualitatera eraman zuen biktima profesionalek arta zezaten.