Baliteke Hierroko hegoaldean itsas-azpiko erupzio bat egotea

Institutu Geologiko Nazionaleko estazioek jasotako datuen arabera, litekeena da Hierroko hegoaldeko Las Calmas itsasoaren azpian erupzio bat egotea (itsas mailatik 2.000 metrotara). 

Hierroren lur azpian dagoen magmak bultzatuta, uztailaren erdialdetik hona 9.600 mugimendu sismiko atzeman dira uhartean. Mugimendurik gogorrena larunbat gauean izan zen, Ritcher eskalako 4,3 puntuko lurrikararekin.

Erupzio hau baieztatuz gero, 1971. urtetik Espainian izan den lehenengoa litzateke. Urte horretan Palma kanariar uharteko Teneguia sumendia esnatu zen.