Donostiako haur goiztiar baten heriotza ikertzeko eskatu diote fiskal nagusiari

Pazientearen Defendatzaileak ofiziozko ikerketa bat abiarazteko eskatu dio Maria del Carmen Adan EAEko fiskal nagusiari, haur goiztiar baten heriotzaren inguruabarrak  eta bizirautea lortu zuen beste baten ondorioak ezagutzeko, Donostia Unibertsitate Ospitalean izandako akats mediko baten ondorioz.

Antza denez, bi egunez biei anestesiko bat eman zieten, zegokien elikadura-serumaren ordez, eta bat hil egin zen, eta bestea, goiztiarra hura ere, bizirik irautea lortu zuen, baina ondorioekin.

Sendagai aldaketa onartu du Euskal Osasun Zerbitzuak familiei emandako txosten batean. Abokatuek "akats justifikaezina" dela eta kalte-ordainak eskatu dituzte.

Carmen Flores Pazientearen Defendatzailearen presidenteak ohar batean adierazi duenez, gertatutakoa "astakeria" izan da, eta Fiskaltzari eskatu dio gertatutakoa ikertzeko eta haur gehiago kaltetuta ote izan diren jakiteko.

"Ez dakigu medikuen preskripzioa oker zegoen edo erizainak egin duen akatsa", adierazi du Floresek, eta haurtxo baten heriotza eta beste baten "ondorio larriak" eragin dituen "akats barkaezina" dela gaineratu du.