93 urteko gizon bat larri zauritu da Zigoitian, gidatzen ari zen autoa irauli ondoren

93 urteko gizon bat larri zauritu da, gaur arratsaldean, Zigoitian (Araban) izan den trafiko-istripuan.

Eusko Jaurlaritzako Segurtasun Sailak jakitera eman duenez, autoa bidetik atera da eta irauli egin da. Ondorioz, gidaria larri zauritu da.

14:20 inguruan izan da ezbeharra A-3610 errepidean. Zauritutako gizonezkoa Gasteizko Santiago erietxera eraman dute.

Bidea itxita egon da hainbat orduz, harik eta autoa erretiratu eta errepidea garbitu duten arte.