Gizartea -
Bart
Sei edukiontzi erre dituzte Lekeitioko kaleetan
Edukiontziez gain, ez da bestelako kalterik izan, suak ez dituelako inguruko ibilgailuak eta etxebizitzak hartu.
Agentziak | Erredakzioa
Ezezagun batzuek sei edukiontzi erre dituzte bart Lekeitioko hiru kaletan, Eusko Jaurlaritzako Segurtasun sailak aditzera emandakoaren arabera.
Lehenengo sabotajea goizaldeko ordu batak eta hamarrean izan da, Santa Catalina kalean bi edukiontzi erre dituzte. Ondoren, goizaldeko hirurak jotzear zeudela, beste lau edukiontzi erre dituzte San Andres auzoan eta Maria Diaz de Haro kalean (bina edukiontzi).
Ertzaintzak eta Suhiltzaileek sua itzali dute hiru kaleetan, bestelako kalterik izan barik, suak ez baititu inguruko ibilgailuak eta etxebizitzak hartu.