Gizartea -

Indarkeria matxista

Gizon batek emakume bat hil du Sevillan

Hilketa matxista bezala ikertzen ari diren gertaera atzo jazo zen, gauerdia baino lehentxeago, bikote horren etxean, Aznalcollar udalerrian.

Agentziak | Erredakzioa

Whatsapp Facebook Twitter Telegram Email

51 urteko gizon batek 43 urteko emakume bat hil du Sevillako Aznalcollar udalerrian, eskopeta batekin tiro eginez, eta ondoren bere buruaz beste egin du arma bera erabilita, gertatutakoa ikertzen ari diren iturriek jakinarazi dutenez.

Hilketa matxista bezala ikertzen ari diren gertaera atzo jazo zen, gauerdia baino lehentxeago, bikote horren etxean, Pedro Gomez del Castillo kalean.

Antza denez, gizonak eskopetarekin tiro egin zion emakumeari, eta ondoren bere buruaz beste egin zuen arma bera erabilita.

Ikerketako iturriek azaldu dutenez, biktimak ez zuen tratu txarren inguruko salaketarik jarri.

Honezkero 12 emakume hil dira aurten Espainian; 1.045 hilketa matxistak zenbatzen hasi zituztenetik.

Tratu txarrak pairatzen badituzu, edo kasuren bat ezagutzen baduzu, kontuan hartu gida honetako aholkuak, eta / edo deitu doako telefono hauetako batera: 900 840 111 (Euskadin) edo 016 (Estatu osoan). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Hau zure interesekoa bada, baliteke beste gai hauek ere izatea
Andaluzia Tratu txarrak Indarkeria matxista Delituak Espainia Gizartea Indarkeria matxistaren biktimak Eguneko albisteak Albisteak Tratu txarren biktimak Matxismoa

Informazio gehiago