Trafikoa -
Zirkulazioa
Gizonezko bat hil da auto-istripuz, Kuartangon
Autoan zihoazen beste bi lagun ospitalera eraman behar izan dituzte zaurituta. Ezbeharra AP-68 errepidean gertatu da, Araban.
Erredakzioa
Gizonezko bat hil da eta beste bi zaurituta eraman dituzte ospitalera AP-68 errepidean, Kuartangon, gertatutako auto-istripu baten ondorioz, Herrizaingo Sailak jakitera eman duenez.
Ezbeharra goizaldeko ordu biak aldera gertatu da Araban, oraindik argitzeke dauden arrazoiak medio Zaragozako noranzkoan zihoan auto bat errepidetik irten eta irauli denean.
Istripuaren ondorioz, bidaiariak autoan harrapatuta geratu dira eta suhiltzaileek atera behar izan dituzte. 33 urteko gizonezko bat hil egin da eta beste bi bidaiariak zaurituta eraman dituzte Gasteizko Txagorritxu eta Santiago ospitaleetara.
33 urteko gizonaren hilotza Gasteizko auzitegi-medikuarenera eraman dute autopsia egiteko.